Waarom het ons elkeen die verantwoordelikheid om te herwin? Met ons nuwe herwinningsarea wil ons die nuwe klem plaas op ons elkeen se verantwoordelikheid om ons omgewing op te pas en te bewaar wat aan ons toevertrou is. Ons elkeen behoort meer bewus te raak van ons omgewing en hoe ons kan herwin. Wanneer ons eers in die gewoonte raak om te herwin, is dit skrikwekkend om te besef hoe baie dinge ons gebruik wat herwinbaar is. Baie keer wonder ons, wat maak ek met die goed wat ek wil herwin? Nou het ons plek by die kerk waarheen ons ons herwinningsmateriaal kan bring. Hier word dit opgetel en herwin. Sodoende help ons ook met werkskepping. Ons wil jou uitnooi om selfs net op klein skaal te begin by die huis deur verskillende houers te hê vir glas, blikkies, plastiese houers en sien hoe vinnig jou houer vol word. Waarom? Ek en jy is rentmeesters. Dis ons verantwoordelikheid om na ons wêreld om te sien en dit te bewaar.
Similar Posts
Nuwe lidmate en besoekers
Posted onOns is opgewonde om nuwe lidmate en besoekers te verwelkom en sommer onmiddellik te laat tuis voel. Ons het ‘n pragtige groep mense wat elke Sondag graag nuwe lidmate wil verwelkom […]
Bybelstudie
Posted onDonderdae oggende om 9:00 is dit Bybelstudietyd by Witfontein. Deur die jare is daar ‘n stapel boeke deur gewerk. Ons as groep het mekaar nou al goed leer ken. Lief en leed word gedeel. Belewenisse waar die Here ons iets op die hart druk deel ons met mekaar.
Preke op die Internet
Posted onOns preke kan na geluister word op die Internet deur te gaan na: www.youtube.com en te soek na NHK Witfontein. Indien jy slegs…
Voorbiddingspan
Posted onGebed staan sentraal in ons Gemeente se lewe. Ons streef om elke bediening in gebed te “marineer”. Ons bid die Here se seën en leiding op alles af. […]
NHSV
Posted onDie dames van die NHSV staan ook bekend as die “Dienende Divas”. Ons hoofdoel is om te dien. Die NHSV samel fondse in deur verskeie projekte. Ons geld word hoofsaaklik aangewend vir Barmhartigheid. Die dames beplan en koördineer ook geleenthede wat by […]
Peuterkerk
Posted onOns voorskoolse kinders word Sondae oggend tydens die erediens besig gehou met hulle eie byeenkoms in klaskamer 4 in die saal. […]
