Aanbidding by Witfontein

Ons kom as gemeente byeen omdat God ons in sy wonderlike genade geroep het om Hom te ken, lief te hê en te verheerlik. Saam vier ons die verlossing wat ons deur Jesus Christus ontvang het en groei ons in geloof, hoop en liefde.

Aanbidding is vir ons meer as ’n enkele erediens. Dit vind plaas wanneer ons na God se Woord luister, saam bid en sing, die sakramente vier, mekaar ondersteun en ons geloof elke dag uitleef.

Sondageredienste

Ons kom elke Sondag as geloofsfamilie byeen om God te aanbid en ons geloof saam te vier. Ons eredienste sluit onder meer die volgende in:

• Prediking uit God se Woord
• Gebed en geloofsgemeenskap
• Lofprysing saam met die musiekspan
• Die bediening van die sakramente—die doop en die Nagmaal

Almal is welkom om saam met ons te kom aanbid.

Besondere dienste en aanbiddingsbyeenkomste

Deur die jaar bied ons verskillende besondere dienste en aanbiddingsgeleenthede aan, waaronder:

• Paassangdiens
• Kerssangdiens
• Pinkstersangdiens
• Lofprysingsaande
• Aktuele byeenkomste op bepaalde Sondagaande

Besonderhede en datums word op ons kalender en gemeentelike kommunikasiekanale bekendgemaak.

Kinderkerk

Kinderkerk word elke Sondag tydens die erediens vir kinders van graad 0 tot graad 6 aangebied.

Kinders leer Bybelwaarhede op ’n kreatiewe, verstaanbare en ouderdomsgepaste manier. Ons wil hulle help om Jesus te leer ken en van kleins af in geloof te groei.

Peuterkerk

Ons jongste kinders word ook elke Sondag op hulle eie vlak bedien. Peuterkerk bied aan voorskoolse kinders ’n veilige en vriendelike ruimte, terwyl ouers rustig aan die erediens kan deelneem.

Bybelstudie en kleingroepe

Ons groei nie net tydens eredienste nie. Bybelstudie en kleingroepe bied ’n geleentheid om God se Woord dieper te ontdek, betekenisvolle verhoudings te bou en mekaar deur die lewe te ondersteun.

Hier kan mense saam vrae vra, bid, leer en hulle geloof prakties uitleef.

Jeugbediening

Ons jeug kom elke tweede week byeen vir geloofsvorming, vriendskap en lekker saamkuier. Die verskillende groepe word volgens ouderdom ingedeel:

• Borrelbekkies: graad 0 tot graad 4
• Mini-Tieners: graad 5 tot graad 7
• Toptieners: graad 9 tot graad 11

Ons skep ’n veilige ruimte waar jongmense hulleself kan wees, vrae kan vra en saam in hulle verhouding met Jesus kan groei.

Geloofsgroeiveldtogte

Ons bied jaarliks geloofsgroeiveldtogte aan waartydens die hele gemeente saam rondom ’n bepaalde tema groei. Deur eredienste, Bybelstudie, kleingroepe en persoonlike verdieping word ons aangemoedig om God se Woord prakties toe te pas.

Kom aanbid saam met ons

Of jy reeds lank deel van ’n gemeente is, pas ingetrek het of opnuut na God soek, hier is plek vir jou.

Kom ontmoet God, leer sy Woord ken en word deel van ’n geloofsfamilie wat saam groei en Jesus met oorgawe volg.