Ons preke kan na geluister word op die Internet deur te gaan na:
www.youtube.com en te soek na NHK Witfontein.
Indien jy slegs na die klankbaan wil luister kan jy gaan na
www.soundcloud.com en soek weereens NHK Witfontein.
Kinderkerk
Ons bied Sondae oggende terwyl die erediens in die Kerkgebou aan die gang is, ook ‘n Kinderdiens vir kinders tussen die ouderdom van 6 en 11 (Graad 1-Graad 5). Ons poog om op ‘n verstaanbare manier, op die kinders se vlak die Evangelie oor te dra. Verskillende reekse word hanteer aan die hand van verskillende temas. Die kinders sing heerlik saam tot eer van die Here, luister na ‘n boodskap, is dikwels ook skeppend besig met ‘n aktiwiteit en word bederf met ‘n eetdingetjie.
Ons is altyd opgewonde oor nuwe aanbieders wat hulle beskikbaar stel om te help met die aanbiedings.
Kontakpersoon vir Kinderkerk: Ds Janine Bevolo-Manders
Peuterkerk
Ons voorskoolse kinders word Sondae oggend tydens die erediens besig gehou met hulle eie byeenkoms in klaskamer 4 in die saal. Op die vlak wat die peuters verstaan word die boodskap van Jesus met hulle gedeel. Kinders tussen die ouderdom van 2 ½ en 6 is welkom. Treda Fritz is ons koördineerder met ‘n paar ander mammas wat help.
Mediateek
Ons gemeente spog met ‘n baie goed toegeruste Mediateek – propvol DVD’s en boeke. Die mediateek bied geleentheid om ‘n boek of DVD uit te neem gratis en verniet. Daar is ook Cd’s met preke, praatjies of musiek waarna jy kan luister. Vir swaksiendes is daar ook “Die Bybel” op CD. Terwyl jy na die regte item soek kan jy ook ‘n koppie Boeretroos geniet. Kom maak gerus Sondae ‘n draai. Die Mediateek is geleë aan die linkerkant, by die ingang van die Kerkgebou. Ons vriendelike “Bibliotekaresse” Heila Haasbroek sal jou daar ontvang.